halina ng aurora (boulevard) - part 2

saturday, 07.11.2009

maaga akong gumising at hinarap ang gabundok kong labahin. may munti kasi kaming reunion ng mga astig at mahal kong ka-osbing sa malaking bahay sa bacood (manila). double-birthday celebration ni siopletz at beplog. sinadya kong magpa-late. medyo madilim na ng umalis ako ng san mateo. at sa kauna-unahang pagkakataon, nauna si bry (at girlfriend nyang si jhei) sa akin. hehe! medyo nakompleto rin kaming mga miyembro ng osbing-gang. nakita ko yung mga ka-tropa ko nung college na halos ilang taon ko ring di nakita. kamustahan, batian, balitaan, kwentuhan, kulitan, inuman at nalasing kasama ang mga astig kong ka-osbing at ka-packers.

naunang umuwi sila bry, ihahatid nya pa kasi si jhei sa valenzuela. nag-text sya sa akin nung pauwi na kami na itago ko raw muna yung payong ni jhei na naiwan kila bep. wow color red (payong), hehe! kasabay ko si allan pauwi, buti naman at hinatid kami ni syok kahit hanggang sta.mesa lang. sakay kami ni allan ng jeep pa-cubao. putek! nahihilo talaga ako (dala ng kalasingan). bumaba kami pagdating sa aurora sa tapat ng gateway mall sa ilalaim ng LRT 2 cubao station. agad nakasakay ng jeep si allan pa-project 4. naglakad ako papunta sa goldilocks kung nasaan yung terminal-KUNO ng mga FX na biyaheng san mateo-montalban.

nang biglang bumuhos ang malakas na ulan. mabilis akong sumilong sa gilid ng sidewalk. marami rin kaming sumilong sa gilid ng goldilocks. putek! walang fx..hala..! mukhang mapapatambay pa ako ng matagal dito ah. sa di kalayuan, ay may umpukan ng mga kababaihan. sigurado, mga bugaw at prostitutes yon. biglang lumapit sa akin yung isang babae na sa tingin ko ay nasa late 30's nya na. tingin ko rin, sya yung pinakamatanda sa umpukan ng mga babae na yon. lumapit sya sa akin sabay sabing, "bossing! babae gusto mo?", sabay turo dun sa mga kasama nya. "murang-mura lang! 350 lang! batang-bata pa ang mga yan!", pamboboka pa nya. "ha...!", nasabi ko na lang sabay ngiti. agad bumawi ng banat yung babae, "o kung gusto mo ako na lang..300 lang..!", ang sabi nya na talagang nagpabuwal sa akin. sa isip-isip ko, "ate, tigang ka na ah..hehe! talagang singkwenta pesos lang ang difference mo sa mga batang prosti ha!", di ko kinaya yung banat nyang yon. "hindi ate.", sabi ko, "wala akong pera e.", palusot ko na lang. tuloy pa rin sya sa pagse-sales talk, sa pagbabakasakali pa rin na pumayag ako. "panalo yang mga bata ko, bossing! sulit na sulit! galing gumiling!", mga hirit pa nya. naglakad na lang ako palayo. kahit umuulan, tumawid ako sa kabilang block para di na ako kulitin ni ate na bugaw/prosti.

nabasa na talaga ako sa lakas ng ulan. at saka ko lang naalala na meron pala akong payong, courtesy of bry. nak ng..!


photo by: Dennis Villegas