halina ng aurora (boulevard)

friday, 07.10.2009 ..

medyo ginabi na ng uwi dahil sa mumunting inuman namin ng mga ka-opisina ko na kiniliti lamang ang aking bahay-alak..hehe! nung nasa metropolis(alabang) na ako, sabi ko, "di na siguro trapik nyan. magte-ten (pm) na eh.". di ako nagdilang-anghel, halos abutin ako ng isang oras sa SLEX(read as HELL) dahil sa bigat ng trapik. lecheng skyway construction project na yan! di na ako bumaba ng magallanes sa pag-aalalang wala ng biyahe ang MRT. diretso na ako ng cubao. ang bigat ng trapik pa-ayala, putek! ang bigat rin ng trapik pa-crossing, nak ng..! waaahhh...! tang-ina, nasa edsa pala ako! pakonswelo na ang ortigas. tama lang ang daloy ng mga sasakyan hanggang santolan. buti naman!

pagdating sa kanto ng p.tuazon at edsa, di na gumalaw ang bus na sinasakyan ko. lumipas ang 10 minutes. di pa rin gumalaw. 20 minutes., grrr..nauubos na pasensiya ko. 25 minutes, nagsalita yung kundoktor, "yung mga cubao dyan, maglakad na lang. iilalim na kami(may underpass kasi sa intersection ng edsa at aurora)". sumagot ako ng pabalang, "iilalim pala kayo, di nyo pa naisip kanina!", sabi ko. di ako asar sa kundoktor o maski na sa biglaan nilang pagdedesisyon na sa ilalim na lang dumaan. sabihin na lang natin na pinagbuntunan ko lang sila ng inis na kanina pa nangungulit sa kukote ko. bumaba ako ng bus at inumpisahan ang paglalakad mula p.tuazon hanggang aurora na sa tantya-meter ko ay mahigit isang kilometro rin. marami rin kaming mas pinili na lang maglakad. ang iingay ng mga bus, sagutan sila ng sagutan ng busina. nakakaturete! "tang-ina nyo!", nasambit ko na lang sabay bato ng pamosong gitnang daliri sa kanila. ano bang meron sa edsa ngayong araw ng biyernes sa dis-oras na ng gabi (11:43pm to be exact).

narating ko rin ang aurora blvd. after 10 minutes siguro ng paglalakad. naiihi ako. buti may urinal sa ilalim nung pink na footbridge ng mmda. dali akong pumasok para umihi. shit! umaapaw na sa ihi yung improvised-urinal na tubo. tumatalsik na sa laylayan ng pantalon at sapatos ko. nak ng..! ok lang, kesa naman magkasakit ako sa bato.

buti naman at may naghihintay na fx sa may goldilocks na biyaheng montalban (rizal) na mapupuno na rin so di na ako gaanong maghihintay ng matagal. dali-dali akong sumakay. madaling napuno. agad pinaandar nung driver ang sasakyan. nang biglang may nagbububusina ng pagkalakas-lakas mula sa likuran. isang kulay orange na "pimped-SUV", may mataas na suspension, astig na rim at kung anu-ano pang abubot. di ko nga lang natandaan yung plate number. panay ang busina nya sa fx na sinasakyan ko. oo medyo nakaharang sya(fx) sa kalyeng iyon, pero ga-sino lang naman yung dumaan sya sa medyo gitnang lane (four lane ang street na yon sa palagay ko e). sige busina, busina. nakakairita na. parang gusto nya yatang ipamukha sa driver ng FX na, "HOY! Nakaharang yung fx mo! dadaan ang maganda kong SUV!". dali-daling pinaabante ng driver yung fx at kumanan sa aurora (pa-marikina), alam nya rin kasing nakaharang sya sa kalsada at ginawa nya itong terminal. sumunod yung SUV na tuloy pa rin sa pagbusina. umakmang o-overtake. pero, ginitgit nya yung fx na sinasakyan ko. biglang napakabig pa-iwas pakanan yung driver namin, napasigaw yung mga sakay na babaeng pasahero, "ay! ano ba yan..!". ginitgit uli kami nung SUV, na animo'y mobile car ng pulis na pinapahinto ang aming sasakyan, o talagang babanggain nya na ito para lang sumadsad sa gutter.

huminto kami. huminto rin yung mayabang na SUV. lumabas yung driver. putek! may hawak na stainless na 9mm na baril. tinutok nya sa driver namin at nagsisigaw, "tang-ina ka! bumaba ka dyan!" sumagot yung driver namin, "sira itong pinto, di bumubukas!". "bumaba ka dyan!", sabi ulit nung maangas na mama sabay kalabog sa pinto ng fx. "Blag!", malakas. di pa rin binuksan nung fx driver, listo na sya sa kung ano mang gawin ng war freak na 'to. tama rin yung naisip nyang wag ng bumaba, dahil siguradong bubugbugin sya ng gagong 'to. "ang yabang naman ng hayup na 'to..!", nasabi ko na lang. hindi naman sya mukhang pulis o sundalo, pero isa lang ang sigurado. KUPAL sya! bumusina yung mga sasakyan sa likod. nakakaabala na pala yung mga sasakyan namin. agad bumalik sa SUV yung mayabang na mama. sabay harurot sa aurora, pa-marikina. "tang-ina ka! mabangga ko sana!", sabi ko.

bakit ba may mga taong tulad nyo? nagkaroon lang ng baril, akala mo kung sino na. maagang mamamatay yung mga tulad nyo!


karugtong..