6 patay sa away trapiko

kumakain ako kagabi ng masarap kong hapunan nang mapanood ko ito sa tv. "huwhaaat..?", agad tumaas ang kilay ko at alta presyon..hehe! nagpatayan kayo sa ganong kababaw na dahilan. hindi ko na i-elaborate ang buong detalye, besides dehins naman ako reporter. ang siste ay may dalawang kupal na driver (sumalangit nawa ang kanilang mga kaluluwa) na nagkainitan sa isang palengke sa imus, cavite ng dahil sa trapiko. in short, di siguro sila nagbigayan. nagkaroon sila ng mainit na komprontasyon, umuwi para tumawag ng resbak at kumuha ng kargada, bumalik sa palengke at ginawa nilang war zone ang nasabing lugar. yon, bulagta ang anim na katao.

bakit kaya may mga taong tulad nila na kayang-kayang pumatay sa ganoong kababaw na dahilan lang? sapat na bang rason ang matapakan ang ego mo o pride mo para taniman mo ng tingga ang kapwa mo? mabuti na lang at wala silang naidamay sa kalokohan nila na mga inosenteng mamamayan na nasa palengke ng mga oras na iyon dahil siguradong mas iinit ang ulo ko. grrr..

kaya di mo rin masisisi si john kramer aka "jigsaw" sa saw series. oo serial-killer sya dahil sa mga karumal-dumal nyang "games"-kuno. pero karamihan ng biktima nya ay ang mga taong hindi marunong mag-appreciate ng life. masarap mabuhay, lalong-lalo na kung gagawin natin itong meaningful at makulay. magagawa lang natin yun sa pagiging makatao, responsable at kung mamahalin natin ang ating kapwa.

full story: http://www.journal.com.ph/index.php?issue=2009-06-22&sec=2&aid=96412