Mt.Sembrano Challenge (Feb.21 - 22)

preparation
- 4 months ko tong inasam at 2 weeks ko itong pinaghandaan. actually, last year pa nga namin napag-uusapan at pinaplano ito ni bryan. ilang beses ring naudlot last year, buti na lang at natuloy rin. kasama namin yung photo club nila erick at bidol. halos newbie ang karamihan sa kanila kaya medyo mabagal dapat ang pacing namin.

eto ang mga nangyari sa climb:

feb 20
- umuwi ng maaga from office to san mateo dala na ang lahat ng gamit
- may nag-tip kay erick na marami ang aakyat. so nagplano kami na may advance party na dapat mauna sa summit para di maubusan ng pwesto.

feb. 21
4:00 am - gumising, last preparation

5:30 am - dumating sa assembly area, jollibee edsa central along shaw blvd. tapat ng shangri-la.

8:30 am - ang tagal naming naghintay na mapuno yung jeep. naunahan tuloy kami ng grupo nila bidol bago umalis yung jeep bound to tanay market.

10:00 am - arrival sa tanay market, bili ng kung ano-ano pang kailangan sa bundok. tapos sumakay ng tricycle papuntang brgy malaya, pililla.

10:30 am - arrival sa Malaya barangay hall, registration, briefing at bayad ng reg fee na Php20(dati 10 lang yon).

11:00 am - (1st phase ng climb) jump off, start na ng trek, sementado na ng ilang metro yung dating rough road, dati mabato doon e.

11:05 am - nadaanan namin ang grupo nila bidol na nagpapahinga sa isang bahay ng lokal doon.

11:15 am - after ng 15 mins. na paglalakad pahinga agad, hehe! dito na nakakita si jet ng tumatalbog na nikon D80 na DSLR. wow! sira ang LCD.

12:30 - 1:00pm - arrival manggahan falls(camp 1), kinain ang packed-lunch, refill ng tubig sa manggahan falls, 500ml lang tubig ko, hehe. mambuburaot na lang. marami naman akong dalang jelly ace e.

2:00pm - simula na ng 2nd phase ng climb, assault na talaga to, medyo challenging na ang mabato at 45 degrees steep na trail. medyo naramdaman ko na ang bigat ng mga dala-dala ko(kailangan ko na talga ng matinong backpack, hehe!). kita na ang magandang view ng Laguna De Bay at Metro Manila, medyo natatakpan nga lang ng mga puno. picture na, sinusubukan na ni daweng ang mamahalin nyang camera. lakad, pahinga pag medyo hiningal, nagyoyosi pa nga kami ni daweng habang nagpapahinga, hehe. kulit noh. nilampasan na kami ng ilang kapwa hikers. ayos lang, pero at the back of our mind medyo nag-aalala. baka maubusan kami ng pwesto sa summit. "ano bang meron sa araw na'to at ang daming umaakyat sa mt.sembrano?", natanong ni bry. oo nga, bakit nga ba?

3:00pm - dumating kami sa base ng "saddle" na hill, simula na ng grassland. pahinga, naabutan namin yung mga hikers na nag-overtake sa amin. putek, nag-iinom ang mga walang-hiya, hehe! pinatagay kami, generoso. ayuz! socials, kwentuhan, kuhaan ng pics, doon na rin namin hinintay isa-isa yung member ng grupo ni bidol. larga na ulit.

3:30pm - arrival sa camp 2 (grassland), wala ng mga punong nakaharang sa view kaya kita mo na ang 3 sides ng laguna de bay, metro manila, laguna, rizal, etc.

4:00pm - arrival sa camp 3, marami ang dito na lang nagtayo ng tent, worried na wala na rin silang mapwestuhan sa summit. pahinga kami sandali bago lumarga. medyo matataas at matatalas na ang mga talahib dito. sana may warmer ako.

5:00pm - arrival sa summit, marami ng nakatayong tent, buti na lang medyo may pwesto pa sa bandang harap. medyo late na rin, buti na lang at maliwanag pa. itinayo agad namin ni bry yung tent namin tapos prepare agad yung iluluto kong sinigang, tinulungan ako ni kit. isa-isa ng nagdatingan yung mga ka-grupo ni bidol. labasan na sila ng malulupit nilang camera. astig kasi ng view ng sunset. pero di na rin ako na-excite sa view, ilang beses ko na rin kasing nakita yon e. di na dramatic kung baga.

to be continued...

pre-climb

Mt.Sembrano
Pililla, Rizal
Specs: Minor Climb, 745+m

ah, sa wakas matapos na ilang beses na naudlot ay matutuloy na rin ang inaabangang climb ng CSL Packers after ilang years ng paglala-lie low. ang destination, mt.sembrano sa malaya pililla, rizal sa feb 21. significant, kasi sa mt.sembrano nga pala ang masasabing unang official climb ng packers nung feb ng 2003. doon din yung last climb ko after almost 4 years siguro. hala, siguradong hihingalin ako nito. so pang-apat ko na palang pag-akyat ito sa nasabing bundok. excited na ako, hehe!

read more about Mt.Sembrano

bibingo ka na...

"...sa letra ng B...
...araw ng mga puso...
...kiskisan ng mga nguso!
...katorse...!"




happy valentines day sa lahat!

ang huling french fries...

ang galing din ng naka-isip ng bagong commercial ng Mcdo, gamitin ang kanta ng eraserheads na "Huling El Bimbo" para soundtrack. medyo napapanahon, dahil mainit pa rin sila dahil sa reunion concert nila last year na muntik ng ikamatay ni ely b. at may "final set" pa sila this coming march. lakas talagang kumita ng mga pare ko, hehe.

last, last friday yata yun, habang nagkakasarapan ang tropa sa inuming gin pineapple ay napagtripan kong mag-gitara. may nirepair kasi akong gitara, sa pinsan ko. so yun, kanta, shot, pulutan, yosi. nang biglang humirit yung kakosa ko na e'heads naman daw ang kantahin namin, "ang huling el bimbo" agad ang unang pumasok sa isip ko at tinugtog. "kamukha mo si paraluman...", banat namin. sige kanta, kanta. nang umabot na kami sa chorus (as usual yun lang naman ang kabisado ng karamihan e, hehe!), kanta kaming lahat, sabay-sabay, biglang naki-kanta sa amin ang mga batang (ages 2 - 10 yata yung mga yon) naglalaro sa street namin. aba! at ang dalawa kong kulitog na pamangkin ay nandoon rin pala (namely: louriz at sofia). lapitan sila sa amin at nakigulo na rin, na para bang ang nasa isip e, "alam pala ng mga lasenggerong 'to na kantahin yung sountrack ng paborito kong fastfood commercial!". at ng ulitin namin uli yung chorus e, kanta na naman sila, mas malakas, sinapawan na kami. so naggitara na lang ako at ang mga bata na lang ang pinakanta ko.

wala lang. nakakatuwa lang at alam nila yung chorus ng "huling el bimbo", pero di nila kilala ang eraserheads. pero isa lang ang ibig sabihin nun, di man nila kilala kung sino ang nagpasikat ng kantang yun, naramdaman nila ang mapanghuli ng kiliti na melody at lyrics sa mga kanta ng eheads. mababaw, pangmasa, kaya madaling masasapul ang karamihang pinoy. idagdag mo pa na ang mga nabaliw (sa kantang yon) nung mga panahong sumikat ang "huling el bimbo" (mid 90's) ay malamang tatay at nanay ng mga batang ito. so malamang makakarelate at magkakaintindihan ang mga mag-tatay at mag-nanay kapag napanood nila ang commercial ng mcdo. sila ang may buying power(parents) na galing sa age bracket na laki sa tunog ng eheads so nasapul talaga ang target market ng commercial na yun. ayuz! pera na naman!

(sa jolibee pala yung picture na yan, hehe!)

CSL Packers (2003)

Ang unang akyat ng CSL Packers ay ginanap mismo sa San Mateo, yup, my hometown. Pero sa kasamaang palad, hindi ito naging enjoyable, dahil nga first time e, (hehe!) and lack of necessary equipment. Hindi pa namin narating yung magandang falls, lecheng mga talahib kasi yan! At under the roof pa kami nagpalipas ng gabi, imbes na sa outdoor with our tent dapat di ba.

Then, yung sa Mt. Sembrano, medyo kumpleto na sa gamit kaya bawas na sa mga hussle. Hindi naman kami gaanong nahirapang umakyat, dun pa nga kami dumaan sa medyo matarik para may thrill. At man, astig ng view sa summit, specially the sunset. Yun lang medyo malamig at medyo humahamog-hamog (o yung tent lang namin ang hinamog, haha!) pa kasi February. Buti na lang at nagtatabaan ang mga kasama ko sa tent(namely: Bep, Jobabs, Brian and Daweng), kaya hindi kami nilamig ni Alex. Naalimpungatan nga lang ako sa basang tent na humahampas sa mukha ko. And then, ayan na yung sunrise, astig na naman ng view, man. After eating our breakfast, bumaba na kami sa campsite malapit sa falls. Kain, tapos ligo sa falls, lamig. Astig! Enjoy!